អំពីអ្នកនិពន្ធ

 

លោកស្រី គីម ស៊ីដដាវីស គឺជាគ្រូកម្រិតឧត្តម​សិក្សានៃសាកលវិទ្យាល័យភូមិន្ទភ្នំពេញ លោកស្រីធ្លាប់បង្រៀននៅសាកលវិទ្យាល័យជាតិគ្រប់គ្រង សាកលវិទ្យាល័យពុទ្ធិសាស្រ្ត​ តាំងពីឆ្នាំ ២០០៦។ ដោយការបង្រៀននៅសាកលវិទ្យាល័យទាំង​​អស់នេះ លោកស្រី គីម ស៊ីដដាវីស មានចំណេះដឹងទូលំទូលាយក្នុងវិស័យគ្រប់គ្រង​ដោយផ្តោតលើជំនាញជាក់លាក់​មួយចំនួនដូចជា៖ មូលដ្ឋានគ្រឹះនៃការគ្រប់គ្រង​ ការគ្រប់គ្រងធនធានមនុស្ស​ ការគ្រប់គ្រងលើឥរិយាបថបុគ្គលិកក្នុងស្ថាប័ន និងជំនាញទន់។

 

លើសពីនេះទៀត លោកស្រី គីម ស៊ីដដាវីស គឺជាអ្នកសរសេរប្លុកនៅលើបណ្តាញសង្គមដោយ​ប្រើប្រាស់បណ្តាញ Facebook Instagram (IG)  និងYouTube ដើម្បីចែករំលែកចំណេះដឹងនិងបទ​ពិសោធន៍ ដល់​យុវជន និងជាពិសេសជាមួយនិស្សិតតាមសាកលវិទ្យាល័យនានា។ លោកស្រី គីម ស៊ីដដាវីស ក៏ជាគ្រូបណ្តុះបណ្តាលវិជ្ជាជីវៈដែលភាគច្រើនត្រូវបានជ្រើសរើស​ដោយ​ទីភ្នាក់ងាររដ្ឋាភិបាល មិនថាតាមក្រសួង មន្ទី ឬ តាមនាយកដ្ឋានផ្សេងៗជាដើម  ដើម្បី​ពង្រឹងសមត្ថភាពនិងបង្កើនប្រសិទ្ធភាពការងាររបស់ពួកគេ។ ហើយ ជារឿយៗលោកស្រីត្រូវបាន​អញ្ជើញឱ្យចូលរួមសិក្ខាសាលាផ្សេងៗ ដើម្បីធ្វើជាវាគ្មិនដោយផ្តោតទៅលើប្រធានបទដែល​ទាក់ទងនឹងការសិក្សា ការងារ និងការអភិវឌន្ឍន៍ខ្លួន។